Ito
ang pinakaipinagmamalaki naming bahagi
ng
aming pagkabubuyog;
kinaiinggitan
ng mga langgam at tipaklong
ng
mga paru-paro, langaw at lamok;
panipsip
ng nektar ng mga bulaklak;
panghasik
ng lahi ng bogambilya
sampagita,
santan at gumamela;
panimpla
ng napakatamis na pulot
na
nakikipagbuno sa dini-diyos na panahon.
At
higit, panlaban sa sinumang lapastangang
wawasak
sa minamahal naming tahanan;
papaslang
sa mga mahal sa buhay;
sisira
sa lahat naming pinaghirapan.
Buong
kasiyaha’t galit namin itong ibabaon sa kanya
iiwan
ang antipoxin
pantawag-pansin
sa aming mga kapatid
maski
kapalit nito ay pagpanaw.
At
hindi namin ito pagsisisihan
kahit
sa ikalawang buhay
sapagkat
mas mamatamisin naming mamatay
nang
umiindak ang mga pakpak
para
sa pamilyang handa kaming ipaglaban
kaysa
tumakas
at
magkubli sa mababangong rosas.
Walang komento:
Mag-post ng isang Komento