Gustong-gusto
kong nagbibiyahe
nakikitang
gumagalaw ang mga tanawin
umuusad
ang mga sasakyan
may
tumatawid sa mga high way
may
nasisilip na pag-asa
sa
mga mata ng mga estranghero sa kalsada.
Gustong-gusto
kong nagbibiyahe
dahil
sa pagitan ng mga pag-usad, paghinto
sa
pagitan ng mga busina at sigaw ng barker
ng
usok at alikabok
nakahahalungkat
ako ng ideya
mula
sa baul ng aking pagkabata
may
nasisilip ako sa siwang ng mga susunod na araw
lumilinaw
ang malalabong bagay
nakatatakas
ako sa mapait na mundo.
Gustong-gusto
kong nagbibiyahe
dahil
umaalpas ang aking isip
at
umaawit ng kahali-halinang himig ang aking puso
kundi
lang sana may mga kawawang pulubi
sa
mga foot bridge
may
mga batang sumasakay sa dyip
at
magpupunas ng iyong sapatos
may
nakasusulasok na usok
na
para ko pang naaamoy
kahit
nasa loob ng bus na de-aircon.
Gustong-gusto
kong nagbibiyahe
kundi
ko lang sana nararamdaman
sa
bawat pagitan ng destinasyon at tahanan
nakaririmarin
na sistema ng lipunan.
Walang komento:
Mag-post ng isang Komento