Tayo’y
mga gulong
sa
lupa nakatayo
dinarama
ang mga alikabok.
Tayo’y
mga gulong
at
kailangan nating umikot
umikot
nang umikot
mabilis
man o makupad
nang
matitigan ang bawat larawan:
ang
gulong na sinusundan
ang
mukha ng kasunod na mga sasakyan
ang
maalikabok na mga ehe
ang
mga tanawing dinaraanan
ang
kalsadang sinasagasaan.
Tayo
nga’y mga gulong
na
dapat umikot nang umikot
maranasan
ang bawat gilid, baba’t taas ng bilog
o
kung hindi, tayong mga gulong
ganap
na hindi susulong.
Walang komento:
Mag-post ng isang Komento