Hindi ako naniniwala sa sinasabi
sa ticket ng LRT
single
journey;
kasabay ng bawat pagkaldag
ang laksa-laksang alaala;
habang tinatangay ang mga tanawin
nililipad ang aking damdamin.
Hindi ako naniniwala sa sinasabi
sa ticket ng LRT
single
journey;
‘pagkat sa bawat biyhae
may isang daang treng
naglalakbay
sa isang libong riles.
Walang komento:
Mag-post ng isang Komento