Martes, Marso 19, 2013

Kaibigan Ko ang Gabi


Kaibigan ko ang gabi
ang pinag-isang himig
ng ref., ng orasan, ng hilik
ng bentilador at ng mga kuliglig
ang hiwaga
at ang sanga-sangang dilim.

Kaibigan ko ang gabi
matalik na kaibigan
sa mga panahon ng pag-iisip
pangangarap
at paghubog ng pananalig
mula sa kapayapaan, sa hangin
at mga larawan sa isip.

Kaibigan ko ang gabi
bagama’t malinaw rin sa aking
sa mga panahon ng paglimot
at pagtakas
ang gabi ring ito
ang isa
sa mga pangunahing kalaban.

Walang komento:

Mag-post ng isang Komento