Ibig kong talian ng sinulid
at hilahing pabalik
di napapagod na mga kamay ng orasan
gawing pakaliwa
inog ng mundo
isa-isang puluti’t ikabit
mga nalagas na dahon
ng kalendaryo.
Gusto kong gawing bukas ang ngayon
gawing ngayon mga kahapon
dahil doon
doon sa mga kahapong iyon
naroon ang kaligtasan
naroon ang katiyakan
naroon ang masasayang gunita
naroon ka.
Walang komento:
Mag-post ng isang Komento