Kayo
na kasama ko
pag sumasakit aking tiyan
kahahalakhak
nagpapaalala sa aking
masarap tumawa
at makapangyarihan
ngiti sa mga labi at ningning sa mga mata
‘wag n’yo ‘kong iiwan.
Ikaw
na kapalitan ko
ng mga kuwento't sentimyento
ng mga kuwento't sentimyento
habang umaakyat sa footbridge
sa Muñoz
nag-aabang ng bus sa EDSA
tumutusok ng mga fishball at kwek-kwek
sa tabing kalsada
ang buhay ay sanga-sangang landas
malamang, maghihiwalay tayo
ngunit hihilingin ko pa rin
sana dito ka lang sa aking tabi
anuman ang mangyari.
Sa mga trabahong umuubos
ng halos buo kong lakas
gumagasta ng lahat kong oras
sana, sana lang
wag kayong maubos
wag kayong matapos.
Dahil kung ako’y nag-iisa
at tanging naririnig
bulungan ng mga kuliglig
ugong ng refrigerator
at hilik ng aking mga kapatid
sa gabing napakatahimik
nararamdaman ko
haplos ng masasakit na gunita
mahigpit na yakap ng nakatatakot na bukas
mga titig ng mga multong
ako ang may gawa
at nakikita ko
nakatutuksong ngiti
ng mataas na kisame.
Walang komento:
Mag-post ng isang Komento