Lagi
siyang binabangga’t
sinasagaan
ng
nagmamadaling mga busina,
niyayapos
ng
kinakalawang na kadenang usok,
peklat
sa kanyang balat
ang
magkakayakap na barung-barong,
nagnananak
na sugat
ang
masisiglang katibayan ng karalitaan.
Ngunit,
hindi niya ito
ikinaiinis.
Nakangisi
niyang dinarama
ang
lahat
habang
pumapalakpak na pinagmamasdan
ang
pagtigas ng puso
ng
nagmamalaking mga taga-kabihasnan.
Walang komento:
Mag-post ng isang Komento