lahat ay may pangarap
pero hindi lahat
may pangarap na kamatayan
ang sa akin, gusto ko
mamatay sa pagliligtas
o nang hawak ang kamay
ng mahal sa buhay
o habang natutulog, nakangiti
matiwasay
ngunit ang pangarap na kamatayan
ay di gayon lamang
di tulad ng ibang pangarap
walang isasakripisyo, hindi
napagsisikapan
dahil ang kamatayan
darating nang di mo alam
tatapikin ka sa balikat
hahagkan
nang walang paa-paalam
Walang komento:
Mag-post ng isang Komento