Isa sa pinakamatamis na mga saglit
sa buhay
ay ang pagpatong ng palad ng isang kaibigan
sa iyong balikat, kung may gumugulo sa
isip
o nakabara sa dibdib
ang paniniwala niyang iyan, kung ano man
iyan
ay iyong makakaya
ang pagtatanong niya kung kumusta ka na
matapos ang matagal na di pagkikita
habang kaharap sa mesa ang ilang serbesa.
At ang isa sa pinakamapait na mga saglit
sa buhay
ay ang malamang ang kaibigan
na kasama sa mga pangarap, na
ipinagdarasal
na naging kapatid
na nag-aalala, na inaalala
sa tagal ng di pagkikita
ay isa na lamang palang kakilala.
Walang komento:
Mag-post ng isang Komento