sinisilip
mo ang bunganga
ng
ngumangangang mga bag
merong
may tubig, laptop, libro
merong
may payong, baunan, bimpo
merong
may tsinelas
at
maruming sando
nginangatngat
na naman ng dilim
ang
avenida
ang
mga gusali at mukha ng mga tao
nagsasapin-sapin
na naman ang mga busina
at
kumukupad
ang
mga dyip na pa-mcu at malanday
niluwangan
mo ang nganga
ng
jansport na pula
nagliwanag
sa iyong mga mata
ang mukha ng ensaymada
napakurap
ka
napalunok
ng laway
Walang komento:
Mag-post ng isang Komento