“’Yon ang matindi!” dumampot si Rose ng Boy Bawang
sa kamay ng Mareng Auria niya.
Siya ang “Antenna” ng looban, dahil
sa lakas ng radar niya. Isa siya sa mga unang nakaaalam kung sino ang mga nabuntis,
nakabuntis, may kabit, pinalayas sa bahay dahil di makabayad, nag-away na mag-asawa,
at kung ano-ano pa.
Basta may tsismis, sumusugod agad siya
sa kapitbahay. Pag may pumunta naman sa kanila, namigay lang ng handa o
nagpataya sa ending, pag-alis nito, may baon nang tsismis.
Grabe ang tsismis, pag ikaw ang pinagtsitsismisan,
alam na alam na ng buong baranggay, pero ikaw na pinag-uusapan, walang
kaalam-alam, madalas maisip ni Rose. Pag kasi malapit na ang pinagtsitsismisan,
tahimik na ang lahat. Tahimik na sila.
“O, s’ya. Mauna na nga ko’ sa
inyo’t wala pa pala kaming ulam,” dumampot uli siya ng Boy Bawang.
Pagkalayo niya, napag-usapan ng mga
naiwan ang saleslady na kabit ng kanyang asawa.
Walang komento:
Mag-post ng isang Komento