Hindi ako magagalit sa iyo
kung wala kang pagtingin sa akin,
‘pagkat ito ang nararapat
‘pagkat wala kang kasalanan.
Hindi ko bibilugan sa aking isip
ang araw ng iyong pagtanggi
ni sisisihin ang musikang tumugtog
nang balewalain mo ako.
Hindi kita sisisihin
ni ang mga ibon, ni ang ulap, ni ang
hangin.
Sa halip, paghahandaan ko ang aking
panaginip
dahil sa bawat gabi
batid ko, lagi akong duduru-duruin
ng aking sarili.
Walang komento:
Mag-post ng isang Komento