Polyglot

Marunong na si Hanna ng Fookien, mahusay na rin siya sa English, at magaling-galing sa Filipino. Pero nakukulangan pa rin siya, gustong-gusto niyang matuto ng Spanish.

“Greek kaya?” ginagaya ni Aldrich sa Adobe Photoshop ang mukha ni Eros.

Umiling lang si Hanna, tinitiklop ang mga statement shirt sa sopa.

“Hebrew?”

Napatingin lang siya sa kasintahan, tapos, umiling uli.

“Kasali ‘yang mga ‘yan sa top three oldest languages,” binitiwan ni Aldrich ang mouse. “Maraming words from other language ang kinopya sa mga ‘yan.”

Tatlong wika na ang alam niya, pero di niya alam ang sinasabi ng kasintahan. Top three?

Nang magsimula siyang mag-aral ng Spanish, nanghinawa siya sa pakikipagrelasyon. Nakipaghiwalay siya kay Aldrich. Pumayag ito, ni wala halos sinabi. Kinabukasan, may nakita siyang kahon sa apartment niya. T-shirt ang laman, may nakasulat, di niya maintindihan— Ego Mos Te Requiret, Meum Es Vita.

At hindi na niya uli nakita ang ex-boyfriend.


Ego Mos Te Requiret, Meum Es Vita— Latin, "Mami-miss kita, ikaw ang buhay ko."