nakabitin siya
sa giniginaw
na bakal na kalansay
may tali sa baywang
naka-helmet
nakadamit
ng umiilaw na dilaw
nagsasabog
ng nagliliyab na mga bubog
na pagbagsak sa kalsada
nadudurog
nakabitin siya
sa hubad
na bakal na kalansay
kumakalam ang sikmura
pinagpapawisan
sa paanan ng halimaw
ang nanggigitatang morayta
makukupad na sasakyan
nagmamadaling mga paa
Walang komento:
Mag-post ng isang Komento