Bata, bata, huwag akong katakutan.
Wala akong dalang malas.
Ibaon mo na sa lupa
ang itim-puting mga paniniwala.
Kung tumawid ako, at
ika’y nagdaraan, magpatuloy ka lamang.
Wala akong dalang malas,
mayroon lang ding pupuntahan.
Kakulay ko ang malusog mong buhok,
ang tinta mong gamit, ang punong kamagong.
At gaya ng gabing tahimik,
huwag kang matakot sa akin.
Kasinghiwaga ng dilim ang mga mata namin,
may ibubukas sa iyong marikit,
at mahiwagang
daigdig.
Walang komento:
Mag-post ng isang Komento