Linggo, Nobyembre 12, 2017

Paniki


Katakutan siya, hindi lamang
sa kawalang-paninindigan;
na kung mananalo sa laban
ang mga lumilipad,
sasabihing siya ay ibon
sapagkat may mga pakpak;
na kung mananalo ang mga hayop
na apat ang paa
ay lalapit sa leong hari ng gubat,
sasabihing apo siya ng daga
ituring siyang kasangga.
Pangilagan siya,
hindi lamang dahil
lumilipad siyang hunyango.
Higit, sapagkat nabubuhay siya
sa pag-inom ng dugo.

2/25/17

Walang komento:

Mag-post ng isang Komento