Lunes, Nobyembre 13, 2017

Neutral


Mukha ko ang aking nakita
sa mukha ng batang
nilalangaw sa kalsada,
ipinagpipilitang
nagtutulak ng droga.
Mukha ng aking ina,
kapatid at ama,
ang aking nakita
sa pumapalahaw niyang
mga kapamilya.
Wala akong sakit,
wala akong sabit.
At malinaw sa aking
marungis
ang mga walang imik.
Sa mukha nila
ko ayaw na makita
kahit ang kalahating pares
ng aking mga mata.


Walang komento:

Mag-post ng isang Komento