Nagulat ka sa
sanlaksang pulang langgam
na nagkukumpulan
sa itinapon mo kaninang
tira
sa mamahaling
tsitsirya.
Maligalig sila.
Maliliksi, masaya.
Nagkabituin ang iyong
mga mata.
Dali mong kinuha
ang makunat nang
piraso,
at nilunod
sa bunganga ng inodoro.
Natanong mo ang sarili,
pagkatapos.
Matapos titigan
ang nagtititigok na mga
langgam.
Ano nga ba ang napala
mo
kumpara sa buhay
ng sangkaterbang
insekto?
Walang komento:
Mag-post ng isang Komento