May natutulog na
insekto
sa ating pinakaloob
na kung nagigising
ay nag-aalburuto.
Panay ang lipad
at kay likut-likot.
Kung gayon tayo
dinadalaw
ng kakaibang lungkot,
hindi makatulog
o kung makatulog ma’y
sa sama ng loob.
May nagpayo sa aking
ingatang huwag magising
ang insekto.
At ang sagot ko,
“Papaano ba iiwasan
ang pag-ibig sa ibang tao?”
Walang komento:
Mag-post ng isang Komento