Linggo, Disyembre 3, 2017

Deadlines


Kung natabunan na
ng laksang papel,
sa kanlong ng nabubuong yungib
sa ilalim ng dilim,
sarili ay suriin.
Maririnig na
ugong na ng makina
ang tunog ng buntong-hininga,
madaramang daliri na ng relo
ang sariling hintuturo—
patulis at may nguso.
At kung masisilip
ang sarili sa salamin,
dagling mababatid,
ang mga matang
dati-rati’y maningning,
ngayon ay walang
kabitu-bituin.

Walang komento:

Mag-post ng isang Komento