Ha?
“Sinta” ang salitang-ugat ng “kasintahan?” Di ba’t “tahan?”
E ano ang “tahan?”
“Pag-ibig.” “Pagmamahal.”
Ang “kasin?”
“Kasing.” Parehas. Gaya. Tulad.
“Kasingguwapo,”
parehas ng lebel ng
kaguwapuhan.
“Kasimputi,”
parehas ng kulay ng balat.
“Kasingtangkad,”
parehas ng
taas.
Paano naman ang “tahanan?”
Iba
ang “bahay” sa “tahanan,”
ang “tahanan” sa “tirahan.”
May
tumira o wala, “bahay.”
Pag
tinirhan, “tirahan.”
Pag
nagmamahalan ang nananahan,
“tahanan.”
“Tahan,” pagmamahal.
Panlaping
“-an,” lugar.
“Tahanan,” lugar ng pagmamahalan.
E di ano ang “kasintahan?”
“Nagmamahalan.”
Mahal
mo siya, mahal ka niya.
Mahal ka niya, mahal mo siya.
Ha? E di may magnobyang di
magkasintahan?
Oo,
dahil hindi basta nakalilikha ng pagmamahal
ang relasyon ang pagsasama.
At may magkasintahang hindi
magnobya?
Oo,
dahil ang pag-ibig ay nagmumula kahit saan
at may ilang hindi ito ipinapahayag hindi ipinaglalaban.
Walang komento:
Mag-post ng isang Komento