Ipinapakita ang mga post na may etiketa na haiku. Ipakita ang lahat ng mga post
Ipinapakita ang mga post na may etiketa na haiku. Ipakita ang lahat ng mga post

Huwebes, Marso 20, 2014

Kalsada


Isang Dosenang Haiku

1
Ngumisi’ng dilim—
nanlisik, mga mata
ng avenida.

2
Nagmamadali.
Mga ilaw sa enleks
ay Halley’s comet.

3
Nagsuka’ng lasing
sa poste, nagulantang
bahay ng langgam.

4
Tambol ng dibdib…
huminga ka’t… nanghablot…
silver na k’wintas.

5
Bida’y dumating,
matutulis na tsismis,
naging pagbati.

6
Ula’y bumuhos,
namuti ang kalsada,
kotse’y natakot.

7
Mata ng barker,
biglang kumislap, nang may
dyip na dumungaw.

8
Ngumiti’ng dilim.
Papauwing dalaga,
niyakap ang bag.

9
Tulalang kuting,
Kumaripas. Dumaa’y
‘sang dagang kanal.

10
Batang madungis,
sumayaw sa kalsada.
Tugtog, busina.

11
Nilagyan ng tres.
Hubad-barong gusgusin,
tulala pa rin.

12
Damo sa enleks,
kumakaway sa mga
bus na paalis.

Biyernes, Disyembre 6, 2013

Paglalakbay sa Siyudad


1
Nagpula’ng ilaw,
nagugutom na tsuper,
muling naghikab.

2
S’ya ay lumipad.
Ngunit treng walang laman,
dumiretso lang.

3
Gutom na’t pagod,
napasandal, nalanghap,
usok ng lungsod.

4
Sales leyding hapo,
wala uling masakyan.
Tayo na naman.

5
Hay! Naupo nga,
sa sobra namang sikip,
di rin maidlip.

6
Himbing nang tulog…
namreno bigla ang bus…
ginulat nang untog.

7
Dami nang pera,
rumagasang busina,
napapikit s’ya.

8
Tsabi’ng babae.
Nakaupong lalaki,
daling pumikit.

9
‘Sang linggo na lang,
mae-endo na, sa bus,
di na nagbayad.

10
Himbing na himbing,
nang magising, lampas
na sa babaan.

11
Tayo na naman.
Kaya di nakonsens’yang
di na magbayad.

12
Nagtatawanan,
ang init na’t siksikan,
di namalayan.

Biyernes, Disyembre 7, 2012